Leej twg tsim Cov Qauv Txhim Kho Lus As Nkiv (English Language Development) (ELD)? WIDA Cov Qauv Txhim Kho Lus As Nkiv (ELD) yog lub hauv paus rau kev xeem tus ACCESS for ELLs® thiab tag nrho WIDA cov kev pab. Cov Qauv no yog coj yoog raws TESOL (Cov Kws Qhia Ntawv As Nkiv rau Cov Neeg Hais Lwm Hom Lus) los ua tus qauv thoob hauv teb chaws thiab yog siv los ntawm txhiab txhiab cov kws qhia ntawv los teeb cov hom phiaj qhia ntawv, npaj cov kev kawm uas txawv, thiab los ntsuas cov tub ntxhais kawm ntawv txoj kev kawm lus seb nthuav dav li cas lawm. Muaj cov Qauv nyob rau ntawm http://www.wida.us/standards/eld.aspx.
Lus Qhia rau Cov Tsev Neeg 2014-15
Tony Evers Xeev Tus Thawj Tswj Cheeb Tsam Tsev Kawm Ntawv Wisconsin Tuam Tsev Saib Xyuas Tsoom Fwv Kev Qhia Ntawv Dawb PO Box 7841 Madison, WI 53707-7841 Wisconsin Tuam Tsev Saib Xyuas Tsoom Fwv Kev Qhia Ntawv Dawb tsis cais tshwj leej twg li raws seb yog poj niam los sis txiv neej, haiv neeg, tawv nqaij, kev ntseeg ntuj, kev teev hawm, hnub nyoog, yug lub teb chaws twg, caj ces, xeeb tub, muaj txij nkawm los sis tsis muaj los sis muaj ob leeg ua niam ua txiv los sis ib leeg ua niam ua txiv, poj niam nyiam poj niam los sis txiv neej nyiam txiv neej, los sis muaj kev tsis taus. Cai zwm tseg 2014 los ntawm Wisconsin Tuam Tsev Saib Xyuas Nom Tswv Kev Qhia Ntawv Dawb
Yog xav paub ntxiv nug tau Lub Chav Fai ntawm Kev Ntsuam Xyuas Tub Ntxhais Kawm Ntawv
[email protected]
ACCESS for ELLs® yog dab tsi? ACCESS for ELLs® yog ib txoj kev xeem uas ntsuas seb cov tub ntxhais kawm ntawv qib Kindergarten txog Qib 12 nkag siab thiab siv Lus As Nkiv tau zoo npaum li cas. Nws yog sawv cev rau Ntsuas Kev Nkag Siab thiab Kev Sib Txuas Lus ua Lus As Nkiv Ib Lub Xeev rau Ib Lub Xeev rau Cov Neeg Kawm Lus As Nkiv. Tus xeem no yog tsim los ntawm ib lub koom haum uas muaj kev cam hwm thoob hauv teb chaws, World-Class Instructional Design and Assessment (WIDA) Consortium. Nws coj qhia seb Wisconsin nom tswv cov tsev kawm ntawv qhia cov neeg kawm lus As Nkiv (ELLs) kom paub hais, nyeem, thiab sau Lus As Nkiv li cas.
Qib 6-8 Qib 9-12
Hauv txhua pawg raws qib kawm (tsis suav qib Kindertgarten), yuav kom cov tub ntxhais kawm ntawv xeem tus ACCESS for ELLs® hauv ib qib ntawm peb qib, los sis theem: Theem A (pib), Theem B (nrab), los sis Theem C (siab). Qhov no ua rau qhov kev xeem luv zog thiab tsim nyog zog rau txhua tus tub ntxhais kawm ntawv txoj kev txawj lus.
Yuav kom cov tub ntxhais kawm ntawv uas xeem tus ACCESS for ELLs® hais lus thiab sau ntawv. Yuav kom cov tub ntxhais kawm ntawv uas xeem hauv Qib 1 txog 12 teb cov lus nug uas tham nrog tus kws qhia ntawv uas muab qhov kev xeem. Cov tub ntxhais kawm ntawv ua hauj lwm ua ke hauv ib pawg me me los sau lawv cov lus teb rau tej co lus nug. Txhua nqe lus nug uas tus tub ntxhais kawm ntawv teb pab cov kws qhia ntawv nkag siab seb tus tub ntxhais kawm ntawv hais lus thiab sau ntawv As Nkiv tau zoo npaum li cas thaum sib tham nrog neeg thiab hauv ntau fab kev kawm. Yuav nug cov tub ntxhais kawm ntawv cov lus nug uas qhia tau seb lawv paub Lus As Nkiv zoo npaum li cas hauv kev kawm lus, kev ua zauv, kev kawm txog ntiaj teb (science), thiab kev kawm txog tib neeg (social studies). Lub hom phiaj ntawm qhov kev pab ELL yog kom cov tub ntxhais kawm ntawv koom tau hauv chav kawm thiab hauv cov kev sib tham, thiab hauv xeev cov kev xeem, yam uas tsis tas yuav kev pab ntxiv. Cov kev xeem yog faib ua tsib pawg raws qib kawm: Qib Kindergarten Qib 1-2 Qib 3-5
Yuav siv qhov xeem tau ntawd li cas? Tus xeem ACCESS for ELLs® cia cov kws qhia ntawv, cov tub ntxhais kawm ntawv, thiab cov tsev neeg caum tus tub ntxhais kawm ntawv txoj kev kawm mus zuj zus. Tus xeem muab cov lus qhia rau cov kws qhia ntawv uas yuav siv tau los txhawb ntxiv hauv txoj kev qhia ntawv thiab kev kawm rau cov ELLs. qhia seb txhua tus tub ntxhais kawm ntawv paub lus As Nkiv txog qib twg. cia cov kws qhia ntawv paub seb thaum twg cov tub ntxhais kawm ntawv paub Lus As Nkiv txaus los koom rau hauv chav qhia ntawv lawv tus kheej lawm, yam uas tsis tas yuav nyob hauv qhov kev pab ELL. qhia rau cov cheeb tsam tsev kawm ntawv paub seb lawv cov kev pab ESL/ob hom lus pab tau cov tub ntxhais kawm ntawv txoj kev tim tsum tau li cas.
Yuav muab hom paj xyeem (score) twg? Muab tsib hom ntawv qhia txog ACCESS for ELLs® cov paj xyeem rau cov cheeb tsam tsev kawm ntawv: Daim Ntawv Qhia Rau Niam Txiv/Tus Neeg Saib Xyuas Daim Ntawv Qhia Rau Tus Kws Qhia Ntawv Daim Ntawv Qhia Rau Tus Tub Ntxhais Kawm Ntawv Daim Ntawv Nquag Qhia Rau Tsev Kawm Ntawv Daim Ntawv Nquag Qhia Rau Cheeb Tsam Tsev Kawm Ntawv Cov paj xyeem qhia rau cov niam txiv thiab cov kws qhia ntawv txog seb txhua tus tub ntxhais kawm ntawv nyob rau theem txawj lus As Nkiv twg, los sis paub npaum li cas. Yuav qhia tau tias txhua tus tub ntxhais kawm ntawv yog ib tug neeg paub lus As Nkiv nyob rau ib theem ntawm no: 1. Pib 2. Xyaum 3. Nthuav 4. Nthuav dav 5. Txuas 6. Txog Muaj piav qhia txog txhua qib txawj nyob rau ntawm http://www.wida.us/standards/ RG_Performance%20Definitions.pdf. Kuv yuav nrhiav tau cov lus nug ua piv txwv hauv daim ntawv xeem qhov twg? Cov lus nug ua piv txwv hauv daim ntawv xeem los ntawm ACCESS for ELLs® muaj nyob rau ntawm http://www.wida.us/assessment/access/ access_sample_items.pdf. Cov lus nug ua piv txwv yuav pab tau cov niam txiv nkag siab txog seb yuav nug txog dab tsi, hom kev nug, Cov Qauv Txhim Kho Lus As Nkiv, thiab seb daim ntawv xeem nws zoo li cas thiab xeem li cas. Cov lus nug ua piv txwv tseem yuav pab tau cov tub ntxhais kawm ntawv kom nws paub txog daim ntawv xeem ua ntej lawv xeem.
