E T O P E K E F I R S T P R E S I D E N C Y, E K E O F I O N G I T I A B A K E I S U A 2 0 1 3 Emi otode President Thomas S. Monson
I
Ererimbot Eyom Mme Andibem iso Mfin Emi
sang ediwak mme andikibem iso ke isua 1847 iketongoke ke Nauvoo, ye Far West, ye New York edi okotongo ke ayan ebiet nte England ye Scotland ye Scandinavia ye Germany. Mme nkpri ndito ikefiokke uto mbuotidem emi ekemende mme Ete ye Eka mmo okpong ufok idung, mme ufan, idongesit, ye ukpeme mmo. Ekpri eyen ekeme ndibup Eka esie nte, “Eka Mi, ntak emi nnyin ikpongde ufok? Nnyin ika mmong? “Tienne di, Ediye eyen, nnyin ika Zion, obio emi Abasi odude.” Ke ufot ifure emi ikenyenede ke ufok nnyin ye enwongo nnyin ndiduk ke Zion, nkpo emi ekedide ubiongo ekedi akamba inyang ibom emi eke Atlantic. Anie ekeme nditing uto ndik emi ekemumde owo ke ndikanga inyang oro? Nte spirit onode mmo ndausung ye nte mbuotidem mmo ekemumde mmo akama, mme Ndisana andikibem iso emi ema eyene mbuotidem ke Abasi, ndien mmo etongo isang. Ke mmo ema ekedisim Nauvoo ke akpatre, mmo ema efiak etongo isang enyung ekut ukut ke usung isang emi. Usung emi mmo ekesangade eto Nauvoo eka Obio Salt Lake okoyoho ye udi mme ofiok nkpo owo. Oruk nnaneyen emi ekesim mme andikibem iso emi. Okposuk edi nte ema ekebuk ikpokidem mmo ke emem, edi enying mmo eyedu ke nsinsi.
Idem otongo ndimem enang, ikpat wagon enam uyom, mme uko eren owo ebo ufen, ibit ekong osioro uyo, ebua ikot enyung efiori mkpo. Edi mme andikibem iso emi ema enyene mbuotidem ke ndisin ifik nka iso. Ediwak ini mmo ema ekwo: Edi, edi, mme Ndisana owo, ekukop ndik ye utom ufen; Edi ka usung mbufo ke inemesit. Okposuk edi nte isang emi osongde, Mfon eyeyoho usen mbufo. . . . Kpukpru ofon ama! Kpukpru ofon ama! 1
Mme andikibem iso emi ikefreke iko emi Jehovah eketingde: “Enyene ndidomo ikot Mi ke kpukpru nkpo man mmo ekeme ndibo ubong emi nkenimde nno mmo, kpa ubong eke Zion.” 2 Nte ini ebede, nnyin ifiokke nditi nyung nkom mmo emi ekesangade usung emi okoyohode ye ubiak enyung, ekpong usung emi ye mmong eyet ye mme udi eke minyeneke enying. Edi mfina nnyin ke idahaemi etie didie? Nte usung itiat ndisanga iduhe, ikpo obot iduhe ndidok, usung ndisiak ye inyang ndifro inyung iduhe? Edi nte ufon iduhe mfin emi nnyin ediyak ukem spirit mme andikibem iso emi ndida nnyin mkpong usung mme idomo emi eyomde ndisobo nnyin nyung nda nnyin nsin ke ifure eke Zion? 1
NKPRI NWED
Tongo ke mme isua emi ekenwanade World War II, mme Idiongo mfara ke idem ama aka iso ndibiara. Ubiat mbet otongo ndikpon; eti edu uwem aka iso ndisuhore. Ediwak mmo ke edori ke ukpat-nkpo nsobo enyung eyom usop-usop inemesit ke adanga nte mmo ebiatde nsinsi inemesit mmo. Usung ntem ke iduok emem nnyin. Nnyin imefre nte mme Greek ye Romans ekesongde odudu edikara ererimbot eset ye usung emi ukara mmo ekekutde mbiara—ye nte mkpri ye ndimem nkpo ekekande owuri mmo ke akpatre, ke akpatre, ke itie eyenisong emi mmo ekeyomde, mmo ekeyom ukpeme ye eti inem uwem; ndien mmo ema enana kpukpru oro—idongesit ye ukpeme ye itie eyenisong. Ekuyak idem eno ntabi eke Andidiok; edi, esongo eda eno akpaniko. Udong ukpong ikemeke ndikop uyuho ke ndiyom inemesit ke mbubiam ido ye idiok itong. Idioknkpo ikemeke ndida owo nka nti ido. Usua ikemeke ndino ima. Nyengidem ikemeke ndino uko. Eyihe ikemeke ndino mbuotidem. Osong mme ubak owo ndikop nte mme ndisime esakde mmo nsahi enyung etingde idiok iko ebanga mfara ke idem, akpaniko, ye ndinim mbet Abasi. Edi edisanga ke eti usung edi nkpo eke ererimbot esede ke ndek. Kini ekedohode Noah ete obop ubom mme ndisime owo ewuk eyen ese afia ikpa enyong etongo ndisak nyung nting idiok iko—tutu edim otongo ndidep. Ikafang ke nnyin inyene ndibo oruk ukpeb emi? Ini okpuhore, edi akpaniko ada ke itie esie. Kini nnyin isinde ndibo ukpeb oto ke nkpo-ntibe usen edem, nnyin iyefiak inam ukem ndudue eke edinode nnyin nkong ibuot, ukut, ye nnaneyen. Nte nnyin inyeneke ikike ndikop uyo nno Enye emi ofiokde utit ke ntongo —Obong nnyin emi akanamde ekekire eriyanga ukpong—nyung ntre ndikop uyo nno andidiok, emi asuade eti ekikere emi? Dictionary anam anwanga ete ke andibem iso edi “owo eke asangade ke iso,ndinengere usung nnim man mbon efen ekeme nditiene enye.” 3 Nnyin imikeme ndinyene uko ye nsongonda emi mme andikibem iso emi ekenyenede ke emana oko? Nte Ami ye mbufo ke akpaniko imekeme ndidi mme andibem iso? Mmofiok nte nnyin imekeme ndidi. Oh, se nte ererimbot eyomde mme andibem iso mfin emi!
1. “Edi, Edi, mme Ndisana Owo “Ikwo no. 30. 2. Doctrine ye Covenants 136:31. 3. Oxford English Dictionary, 2nd ed. (1989), “pioneer.”
UKPEB NKPO EKETODE ETOP EMI Nwed Abasi eting ete home teachers enyene “ndikpan, ndinam anwanga, ye ndikpeb, nyung nkot kpukpru owo edi etiene Christ.” (D&C 20:59). Kere banga ndisio item ye ebenge emi odude ke Etop eke President Monson nwut mmo emi mbufo ekade ndise. Mbufo emekeme ndinyene nneme ye mmo mbanga usung emi ekemeke ndifiok nyung ntiene eti uwutnkpo, ekpong nkari, enyung eda ukpeb ke ndudue mbon efen. Ebup mmo emi mbufo ekpebde usung emi mmo ekemeke ndidi mme andibem iso mfin emi. Nkpri ndito ekeme ndikpeb mbanga mme andikibem iso emi ke ndikot nwed ekotde “Ke Usung Isang” oyoho ikpa 62 eke nwed emi.
IWAAD Ekesanga ke Mbuotidem Andiwet edi Maggi Earl
A
mi ndikemeke ndifre ke nte nkesangade ke isong Winter Quarters, Nebraska, USA, emi edide ebiet
emi mme andikibem iso ekedungde ke mme isua eke ebede. Isong emi ama enyene utenge, etie ukem nte Ami nkpedude ke anwa eke temple. Mmong eyet ama oyoho mi enyin, nkemeke ndikut usung. Ami nkut nkpo emi ekebotde edi mfiokke se oro oworode. Kini Ami mma nkokwohode mmong eyet mi, mma nkut nnwan ye eren emi iso mmo okoyohode ye mfuho. Ke nsede ofon, nkut nte ekpri eyen anade ke udi ekpere ikpat mmo. Ndise emi ama anam nkere ediwak ekikere: mfuho, iyaresit, ekom, ye idaresit. Ami mma nyom ndimen ukut mme Ndisana owo emi mfep, edi Ami mmenem esit ke ufen emi mmo ekebode ke ntak iko Abasi. Nkpo emi nkekutde ke Winter Quarters ama anwam mi ndifiok nte ke Ete nnyin ke Heaven ono nnyin gospel Esie ye ufang ndimek se nnyin ikemede ndinam. Ete ye Eka ekpri eyen oro ema enyene ufang ndimek usung eke ememde. Nditiene prophet nyung ndu uwem nte gospel etemede ama anam mme andikibem iso emi
2
eka iso ke ndisin ifik okposuk edi nte mmo enyenede ndibuk eyen mmo. Edi mmo ema enyimme ndida iko Abasi nsin ke uwem mmo ye ndibo ukut mmo. Ami mmofiok nte nsin ifik ke ndinam iko Abasi mme Ndisana owo emi ye ndisongo nda ke nka iso ekeyire ke mbuotidem ye idorenyin mmo—idorenyin ke mkpong eyefon ye mbuotidem ke Abasi ofiok mmo ndien eyenyung osio urua ke ubiak ono mmo. Andiwet odung ke North Carolina, USA.
NKPRI NDITO Edi mme Andibem iso
P
resident Monson eketing ete ke andibem iso edi owo emi owutde mbon efen usung mmo ndisanga
ntiene. Nso nkpo ke mbufo ekeme ndinam man ada ono se idide akpaniko ndien onyung edi andibem iso ono mbon efen ke obio ye ke ufok idung mbufo? Ewed iboro mbufo enyung ebuana ye ufok mbufo.
© 2013 eketode Intellectual Reserve, Inc. Ekpeme kpukpru mme unen. Ekeming ke USA. Enyimme eming ke Iko Mbakara: 6/13. Enyimme Ndikabare: 6/13. Ndikabare Etop eke First Presidency Message, July 2013. Efik. 10667 553 3
ETOP EKE VISITING TEACHING, EKE OFIONG ITIABA KE ISUA 2013
Ndikpeb nkpo nyung Mbo Ukpeb iko Abasi
Bong akam kpeb nkpo emi ndien, nte odotde, nneme emi ye mme ndito eka iban emi mbufo ekesede mmo. Da mme mbume ndinwam fi osongo mme ndito eka iban mbufo idem nnyung nam mboho Nka Iban enyene eti idaha ke uwem mbufo. Ke oyomde ndifiok awak, ka ke relief society.lds.org.
J
esus Christ ekedi akwa andikpeb. Enye ama ono nnyin uwut-nkpo nte Enye “ekekpebde mme iban ke otu owo ye ke idem mmo kiet kiet, ke efak ye ke mben inyang, ke obube mmong ye ke ufok mmo. Enye ama owut mmo ima-mfonido onyung okok mmo udongo ye mmo emi edude ke ufok mmo nko.” 1 Enye ama ekpeb Martha ye Mary onyung “okot mmo ndidi mbet Esie ndinyung ntabi erinyanga ukpong, ‘emi edide eti udeme’ [Luke 10:42] emi owo midiboho mmo mfeb.” 2 Ke nwed Abasi eke ukpere edem ini nnyin emi, Abasi ono nnyin ibet ete “ikpeb kiet eken ukpeb nkpo eke obio ubong.” (D&C 88:77). Ke ndifiok nyung mkpeb iko Abasi, Cheryl A. Esplin, udiana ono-item iba ke Primary general presidency, eketing ete “Ndikpeb man enyene oyoho ifiok abanga iko Abasi edi nkpo ofuri eyo uwem nnyin ndien edi ‘ke nde ke nde, ibet ke ibet, esisit mi, esisit ko ‘(2 Nephi 28:30).” 3 Nte nnyin ikpebde, inyung ibong akam, nnyin iyekpeb ke odudu Edisana Spirit emi edimende etop
“emi isin ke esit ndito owo, eren [ye iban]’ 2 Nephi 33:1.
Emi oto ke mme Nwed Abasi Alma 17:2–3; 31:5; Doctrine and Covenants 42:12–13; 84:85
Emi oto Mbuk Eset Nnyin Mme prophets emi ekebede ema eti nnyin ibiongutom emi inyenede nte iban ke ndikpeb nkpo ke ufok idung nnyin ye ke ufok Abasi. Ke Ofiong Usukkiet ke isua 1979, President Spencer W. Kimball (1895–1985) ama odoho kpukpru iban ete edi “mme ofiok iko Abasi.” Eyen okodoho ntem “Mbufo edi mme ofiok iko Abasi—idige ke ndifik mbon efen, edi ke ndimenere mmo ke enyong! Ke nditim nting, anie enyene akwa ufon ke ndifiok akpaniko emi odudu ke iko Abasi (emi mmo ekemeke ndida nnam nkpo ke ini unana mmo) akan mme iban ye mme eka emi utom ukama ye ukpeb odude mmo ke ubok? 4 Kpukpru nnyin idi mme andikpeb ye mmo emi eyomde ukpeb. Kini nnyin ikpebde nkpo
1
Mbuotidem, Ufok Idung, Unwam
oto ke Nwed Abasi ye iko mme odu-uwem prophets, nnyin iyenwam mbon efen nditiene Christ. Adanga ini eke nnyin iyomde ukpeb nkpo ke edibup eti mbume nyung nno mkpangutong, nnyin iyebo iboro ke nkpo eke afinade nnyin. NKPRI NWED
1. Ndito Iban ke Obio Ubong Mi : Mbuk Eset ye Utom Mboho Nka Iban (2011), 3. 2. Ndito Iban ke Obio Ubong Mi, 4. 3. Cheryl A. EspLin; “Ndikpeb Ndito Nnyin Nkpo man Anwanga” Liahona ye Ensign, May2012, 12. 4. Spencer W. Kimball, ke Ndito Iban ke Obio Ubong Mi, 50.
Nso Ke Ami Mkpenam? 1. Didie ke Ami nnyene
mbengeidem ndidi eti andikpeb?
2. Nte Ami mmebuana iko
ntiense mmi ye iban eke Ami nsede nkpo mbanga?
© 2013 eketode Intellectual Reserve, Inc. Ekpeme kpukpru mme uneen. Ekeming ke USA. Enyimme eming ke Iko Mbakara: 6/13. Ndikabare: 6/13. Ndikabare etop eke Visiting Teaching Message, July 2013. Efik. 10667 553
